Jubiläum 100 Jahre HG Utzigen

Bi starchem Gäge- und Sitewind isch d' A-Mannschaft hüt bi sunnigem Wätter z' Utzigen am Jubiläumshornussen ir 2. Stärkeklass ahträtte. Trotz viune Fäuhstreiche hets glich zu 900 Punkt glängt, was mit dene Windbedingige sicher nid grundschlächt gsi isch. Im Riis hei die - ömu die paar wo de ou im Riis si cho - au chönne abdah wärde. Trotzdem isches de wenigste Mannschafte glunge, hüt ihres Riis suber z' haute. Somit heimer de ar Rangverkündigung sogar dr' 3. Schlussrang chönne fiire.

Bide Einzuschleger wird dr' Meho Salihovic mit 15, 17, 7, 11 = 50 Punkt beste Nachwuchshornusser. Höchst Frittematter wird Stöffu Leuenberger mit 66 Punkt.