MS Hasle b. Burgdorf - A

Rückschlag für d' A-Mannschaft im Spitzekampf gäge Hasle b. Burgdorf A

D' A-Mannschaft het die Leischtige usde letschte Spiiu ou hüt wöuue abrüefe. Und das isch im Grosse u Ganze ou glunge. Uswärts gäge Gruppefavorit Hasle b. Burgdorf A heimer am Bock eh ahständigi Leischtig zeigt und mit 255 u 262 Punkt eh guete Afang zeigt. Üse Gägner ufder angere Sitte het aber dütlech zeigt, wassi chöi schlah; mit 280 u 293 Punkt sisi klar i Füehrig gange. Ou im zwöite Umgang isches lang guet glüffe für üs, mir hei d' Nousse früeh gseh und chönne abdue. Bis ufsmau eh 18ner ungseh vo rächts usse is Riis inegheit isch und so unabdah z' Bode isch. Bitter, da mir gwüsst hei, ide Punkt wird's üs hüt nie länge. Am Bock heimer de nomau ohni Druck drah häre wöuue. Aber irgendwie isch das nid so ganz gange.. No es 257 Riis und im letschte het üse Punktemacher Svenu es 3 gschlage und dr' Meho es 0, was natürlech grad schnäu 30 Punkt usmacht und de numeno zumne 237 Riis glängt het. Aber immerhin hets ou hüt wider über 1'000 Punkt gä.