Vereinsausflug 2019 - Rheinfelden

Am 7. September 2019 hets d' HG Unterfrittenbach-Emmenmatt uf ihre Vereinsusflug nach Rheinfelden verschlage. Am Vormittag heimer bi bestem Herbstwätter bim Golfzentrum Rheinfelden üses Können bim Golfen chönne unger Bewiis steuue. Und es paar heisech auso würklech chönne überlege, obsi nächstsjahr nid wei d' Sportart wächsle!

Z'mittag hets de im Feldschlösschen-Restaurant grad näbedranne gä. Die ahschliessendi Füehrig dür d' Brouerei isch spannend gsi, viune wird aber sicher de z' ahschliessende Apéro besser gfaue ha! 

Dr' speter Namittag heimer de bi Leuenberger Roger daheime z' Frenkendorf im Garte la usklinge u z' Zollbrück ir Brauschüür hets de no es "trüebs Fürabebier" gä.