Bim Abespiiu daheime gäge Stalden-Dorf chöimer hüt am Bock u im Riis erneut ä gueti Leischtig zeige u gwinne nach Nummero u Punkt! Svenu Althaus schlaht mit 55 Punkt i 3 Streiche am meischte. Am Sunntig spiut de d' A-Mannschaft daheime gäge Gruppeerscht Oeschenbach-Kleindietwil A.
Nach 2 Wucheend Pouse isch hüt üsi B-Mannschaft bi warmem Wätter im Längebach gäge Epsach B ahträtte. Vorauem am Bock hei mir üs nachem letschte Spiu sicher dütlech wöuue verbessere. U das isch üs ou glunge: nachdäm mir bereits im erschte Umgang mit 307 zu 248 Punkt i füehrig si gange, heimer im zwöite Umgang nomau chönne ufdräiie u hei...
Bim hüttige Uswärtsspiu heimer a üsne guete Leischtige usde letschte Spiiu wöuue ahchnüpfe u witeri 4 Rangpunkt hole. Am Bock hei d' Eriswiler mit Riis 243 u 249 guet vorgleit. Mir hei de leider bereits im erschte Umgang es paar ganz churzi Streiche müesse lah schribe u si mit 23 Punkt i Rückstang gsi. Im zwöite Umgang hättsech de für...
Mit grossem Säubstvertrouue usde letschte Meisterschaftsspiu heimer hüt im Längenbach d' Hornusser Lüsslingen-Nennikofen zur 5. Rundi empfange. Bi schönem Vorsummerwätter u guete Windbedingige heimer im 1. Riis leider no einigi Fäuhstriche müesse la schribe, z' zwöite Riis het mit 253 Punkt de bereits dütlech besser usgseh. Drbi het üse Gägner...
Am hüttige Spiu het d' B-Mannschaft uswärts gäge Oeschenbach-Kleindietwil B bi blauem Himu u dank äre super Riis-Arbeit di erschte 4 Rangpunkt chönne hole! Trotz weniger Schlagpunkt heimer das Spiu mit 0 Nummero chönne gwinne, wöu dr' Gägner im zwöite Umgang es 9i nid het chönne abdue. Höchst Einzuschleger isch Salzmann Max mit 45 Punkt.
Uswärts gäge Münchenbuchsee-Wohlen A heimer vo Site- Mit- bis Gägeluft aus erläbt. Vorauem im zwöite Umgang isch bis id Heufti starche Gägeluft ufcho. Ide Punkt hättimer so sicher nieme chönne ufhole. Wöu dr' Gägner grad dr' erscht Strich im zwöite Umgang het acheglah, heimer das Spiu dank 0 Nummero für üs entschiede u erneut 4 Rangpunkt ghout!...
Bi liechtem Räge het üsi B-Mannschaft daheime gäge Winistorf-Seeberg B knapp ide Punkt u Nummero verlore. Mir hei im erschte Umgang nacheme Usfau vom Leuenberger Roger no e Spiler weniger im Riis gha. Mit sehr guete 66 Punkt houtsech Hertig Simu bide Einzuschleger die 26 Rangpunkt.
Heimsieg vor A-Mannschaft! Bi guete Windverhäutnis heimer hüt gäge Gasel es Chopf-a-Chopf-Renne vo Afang bis am Schluss gha. Schlussändlech heimer mit 34 Punkt Vorsprung das Spiu für üs entschiede u 4 Rangpunkt ghout. Hüt isches näbder Riesleischtig ou am Bock dütlech besser glüffe aus no bim erschte Spiu, uf das weimer u chöimer ufbouue! Höchscht...
Sieg am erschte Meisterschaftsspiu vor A-Mannschaft uswärts gäge Hergiswil am Napf! Bi gäbigem Früehligswätter reisimer motiviert nach Hergiswil. Nach langem chöimer ändlech wieder ä normali Meisterschaft spile. U im Ries hetme das ou gmerkt, jede isch vou drbi u motiviert gsi, entsprächend heimer de ou ä super Riesleischtig zeigt u das erschte...
Bi winterlechem Wätter faht d' Meisterschaft vor B-Mannschaft uswärts gäge Heimiswil C leider mitere Niederlag ah. Grad 6 Nummero heisisech müesse lah schribe. Drfür isches am Bock chli besser glüffe aus üsem Gägner u de hets de trotzdäm no es Rangpunkt gä. Höchst Einzuschleger wird Simon Hertig mit 66 Punkt.
Ar hüürige Emmentalischen Gruppenmeisterschaft 2022 simer bi schönstem Früehligswätter mit 2 Gruppe grad am morge ahträte. Wägem teils starche Sitewind si sehr wenig Nousse im Ries cho, drum isches hüt wichtig gsi, mit 0 Nummero düre z'cho, für auuefaus no id Medaillen-Räng iche z'cho. U beid Gruppe hei das souverän glöst, die paar Nousse wo im...