D' A-Mannschaft erziut hüt am Interkantonale Hornusserfest z' Hergiswil am Napf dr' 7. Schlussrang. Wägem starche Siteluft isch z' Fest nach 4 Riis abbroche worde. Wöumer im Riis erneut ä starchi Leischtig zeigt hei, gwinnimer d' Walliserkanne! Bide Einzuschleger chöisech Svenu Althaus, Lücu Aeberhard, Nändu Aeberhard, Päscu Schwarz u Ädu...
Ar B-Mannschaft loufts am Interkantonale Hornusserfest z' Hergiswil in Ettiswil nid wunschgmäss. Bi schwirige Sichtverhäutnis müesse grad 10 Streiche ungerstriche wärde. Ou am Bock schlichesech viu Fäuhstreiche ih. Am Ändi vom Tag längts de füre 15. Schlussrang.Chrigu Burkhard (86 Pkt) u Simu Hertig (85 Pkt) erziele beid dr' Chranz, Gratulation!
Am Jubiläumshornussen vor HG Oeschenbach-Kleindietwil heimer hüt ä enttüschendi Leischtig zeigt. Sowou am Bock wie ou im Ries heisech z' viu Fähler ihgschliche, so erreichimer dr' 8. Schlussrang. Höchst Einzuschleger wird Althaus Svenu mit 69 Punkt.
Ume Ufstieg isches hüt am letschte Meisterschaftsspiiu uswärts gäge Höchstetten B zwar nümme gange, trotzdäm isch für d' A-Mannschaft immerno dr' 2. Schlussrang drinnegläge, so het doch dr' Rückstang ufe Zwöitplatziert Trimstein A nume grad 2 Punkt betreit. Mit däm Ziu vor Ouge heimernis a das Spiu gmacht u si de scho bim erschte Streich teschtet...
D' A-Mannschaft gwinnt bim Uswärtsspiu gäge Zimmerwald A dank 0 Nummero die nächste 4 Rangpunkt! Am Bock loufts nid ganz optimal, mit viune Fäuhstreiche längts für 927 Punkt. Somit blibt z' Renne ume 2. Platz spannend! Svenu Althaus houtsech mit 78 Schlagpunkt die nächste 26 Rangpunkt, es blibt spannend im Kampf um z' Einzuschlegerpodest! Nächste...
Hüt het d' B-Mannschaft daheim gäge Bigle-Arni C gspiut u het zum letschde Meisterschaftsspiu e Bruse kassiert. Mir verliere trotz ere guete Schlagleistig ide Punkt u Nummero.Höchst Einzuschleger wird Simu Hertig mit 62 Punkt u houtsech 26 Rangpunkt!
Üsi B-Mannschaft isch hüt zum Leader usgrückt u isch bi heisse Summertemperature nach gueter Riesarbeit u nid schlächter Schlagleistig gäge Gruppeleader chancenlos blibe.Höchst Einzuschleger wird Simu Hertig mit 57 Punkt.
D' B Manschaft isch hüt uf Bäriswil usgrückt u het e Sieg igfahre! Dank äre guete Schlagleistig heimer mit 40 Punkt Vorsprung sowou am Bock wie ou im Ries chönne gwinne. Höchst Einzuschleger wird Hertig Simu mit 63 Punkt u houtsech 26 Rangpunkt.
Bim Uswärtsspiiu gäge Schoren A hets hüt leider ou d' A-Mannschaft im Ries verwütscht. Eh schlächt troffnige Nouss im 8i u bi schwirige Sichtverhäutnis eh 17ner si unabdah z' Bode. Ou am Bock hets mit einige Usfäu vo A-Spieler nid richtig wöuue u so verlierimer das Spiu mit 0 Rangpunkt. Höchst Einzuschleger wird Svenu Althaus mit 69 Punkt.
Bim nacheghoute 1. Meisterschaftsspiu holimer hüt dank 0 Nummero ure starche Schlagleischtig 4 Rangpunkt u schliesse bis uf 1 Rangpunkt ufe Leader Oeschenbach-Kleindietwil uf. Bi guete Wind- u Wätterbedingige schlaht Althaus Svenu mit 87 Punkt es Top-Resultat u houtsech verdient 26 Rangpunkt!
Bim Spitzekampf daheime gäge Oeschenbach-Kleindietwil A gwinnimer dank amene Fähler im Riis vom Gägner mit 0 Nummero! Am Bock simer chancenlos blibe u hei die guete Windbedingige leider nid chönne nütze. Höchst Einzuschleger wärde Märu Hofer u Lücu Aeberhard mit 75 Punkt.